મેદાનમાં જેણે મોરચો માંડ્યો

ગંગાસતી અને પાનબાઈ

મેદાનમાં જેણે મોરચો માંડ્યો ને

પકડ્યો વચનનો વિશ્વાસ રે,

ચૌદ લોકમાં કોઈથી બીએ નહીં

થઈ બેઠાં સદગુરુના દાસ રે ... મેદાનમાં

સાન સદગુરુની જે નર સમજ્યો,

તે અટકે નહીં માયા માંહ્ય રે,

રંગરૂપમાં લપટાય નહીં

જેને મળી ગઈ વચનની છાંય રે ... મેદાનમાં

રહેણીકરણી એની અચળ કહીએ

એ તો ડગે નહીંય જરાય રે,

વચન સમજવામાં સદાય પરિપુર્ણ

તેને કાળ કદી નવ ખાય રે ... મેદાનમાં

સોઈ વચન સદગુરુજીના ઘરના,

ગમ વિના ગોથાં ખાય રે,

ગંગાસતી એમ બોલિયાં રે પાનબાઈ,

વચન ન સમજ્યા નરકે જાય રે ... મેદાનમાં

••• ✦ •••

શેર કરો

ડાઉનલોડ કરો

PDF

ઓડિયો / વિડીયો શોધો

People also search using Medanama Jene Morcho Mandyo lyrics, lyrics, Medanama Jene Morcho Mandyo gujarati bhajan lyrics, pdf download
ભક્તિમિત્ર.in • https://bhaktimitra.in