મનડાને સ્થિર કરી આવો રે મેદાનમાં

ગંગાસતી અને પાનબાઈ

મનડાને સ્થિર કરી આવો રે મેદાનમાં,

દેખાડું હરિ કેરો દેશ રે,

હરિનો દેશ તમને એવો દેખાડું,

જ્યાં નહીં વર્ણ ને નહીં વેશ જી ... મનડાને.

સુક્ષ્મ સૂવું ને સુક્ષ્મ ચાલવું

સુક્ષ્મ કરવો વે'વાર રે,

શરીરની સ્થિરતામાં ચિત્ત જેનું કાયમ,

ને વૃત્તિ ન ડોલે લગાર જી ... મનડાને.

કુબુદ્ધિવાળાનો સંગ નવ કરવો

રહેવું એકાંતે અસંગ રે,

કૂંચી બતાવું એનો અભ્યાસ કરવો,

નિત્ય રે ચડાવવો નવો રંગ જી ... મનડાને.

ચિત્તને વિષયમાંથી ખેંચી લેવું

રેવું સદાય ઈન્દ્રિય-જીત રે,

ગંગા સતી એમ બોલિયાં પાનબાઈ,

તો વિપરીત થાશે નહીં ચિત્ત જી ... મનને.

••• ✦ •••

શેર કરો

ડાઉનલોડ કરો

PDF

ઓડિયો / વિડીયો શોધો

People also search using Manadane Sthir Kari Aavo Re Medanama lyrics, lyrics, Manadane Sthir Kari Aavo Re Medanama gujarati bhajan lyrics, pdf download
ભક્તિમિત્ર.in • https://bhaktimitra.in