કાળધર્મ ને સ્વભાવને જીતવો

ગંગાસતી અને પાનબાઈ

કાળધર્મ ને સ્વભાવને જીતવો,

રાખવો નહિ અંતરમાં ક્રોધ રે

સમાનપણેથી સર્વેમાં વર્તવું,

ને ટાળી દેવો મનનો વિરોધ રે ... કાળધર્મ.

નિર્મળ થઈને કામને જીતવો,

ને રાખવો અંતરમાં વૈરાગ રે,

જગતના વૈભવને મિથ્યા જાણી,

ને ટાળી દેવો દુબજાનો ડાઘ રે ... કાળધર્મ.

આલોક પરલોકની આશા તજવી,

ને રાખવું અભ્યાસમાં ધ્યાન રે,

તરણા સમાન સહુ સિદ્ધિઓને ગણવી,

ને મેલવું અંતરનું માન રે ... કાળધર્મ.

ગુરુમુખી હોય તેણે એમ જ રહેવું,

ને વર્તવું વચનની માંય રે,

ગંગા સતી એમ બોલિયાં રે,

એને નડે નહિ જગતમાં કાંઈ રે ... કાળધર્મ.

••• ✦ •••

શેર કરો

ડાઉનલોડ કરો

PDF

ઓડિયો / વિડીયો શોધો

People also search using Kaldharm Ne Svabhavane Jitavo lyrics, lyrics, Kaldharm Ne Svabhavane Jitavo gujarati bhajan lyrics, pdf download
ભક્તિમિત્ર.in • https://bhaktimitra.in