જ્યાં લગી લાગ્યાનો ભય

ગંગાસતી અને પાનબાઈ

જ્યાં લગી લાગ્યાનો ભય રહે મનમાં,

ત્યાં લગી ભગતિ ન થાય રે,

શરીર પડે વાકો ધડ લડે,

સોઈ મરજીવા કહેવાય રે ... જ્યાં લગી

પોતાનું શરીર માને નહીં મનનું,

શરીરના ધણી મટી જાય રે,

સદગુરુ ચરણમાં શીશ નમાવે

ત્યારે પૂરણ નિજારી કહેવાય રે ... જ્યાં લગી

નવધા ભક્તિમાં નીર્મળ રહેવું ને

મેલી દેવી મનની તાણાતાણ રે,

પક્ષાપક્ષી નહીં હરિ કેરા દેશમાં

એનું નામ જ પદની ઓળખાણ રે ... જ્યાં લગી

અટપટો ખેલ આ ઝટપટ સમજાય ના

એ તો જાણવા જેવી છે વાત રે,

ગંગા સતી એમ બોલિયા પાનબાઈ,

ત્યારે મટી જાયે સાચે જાત રે ... જ્યાં લગી

••• ✦ •••

શેર કરો

ડાઉનલોડ કરો

PDF

ઓડિયો / વિડીયો શોધો

People also search using Jay Lagi Lagyano Bhay lyrics, lyrics, Jay Lagi Lagyano Bhay gujarati bhajan lyrics, pdf download
ભક્તિમિત્ર.in • https://bhaktimitra.in