જુગતી તમે જાણી લેજો

ગંગાસતી અને પાનબાઈ

જુગતી તમે જાણી લેજો પાનબાઈ !

મેળવો વચનનો એક તાર,

વચન રૂપી દોરમાં સુરતાને બાંધો,

ત્યારે મટી જશે જમનો માર –

ભાઈ રે ! જુગતી જાણ્યા વિના ભગતી નૈ શોભે.

મરજાદ લોપાઈ ભલે જાય.

ધરમ અનાદિયો જુગતીથી ખેલો

જુગતીથી અલખ તો જણાય…. જુગતી.

ભાઈ રે ! જુગતીથી સેજે ગુરુપદ જડે પાનબાઈ !

જુગતીથી તાર જોને બંધાય,

જુગતીથી ત્રણ ગુણ નડે નહીં

જુગતી જાણે તો પર પોંચી જાય…. જુગતી….

ભાઈ રે ! જુગતી જાણી તેને અટકાવનાર નવ મળે.

તે તો હરિ જેવા બની રે સદા,

ગંગા રે સતી એમ બોલિયાં રે

તને તો નમે જગતમાં બધા… જુગતી….

••• ✦ •••

શેર કરો

ડાઉનલોડ કરો

PDF

ઓડિયો / વિડીયો શોધો

People also search using Jugati Tame Jani Lejo lyrics, lyrics, Jugati Tame Jani Lejo gujarati bhajan lyrics, pdf download
ભક્તિમિત્ર.in • https://bhaktimitra.in