હેઠા ઊતરીને પાય લાગ્યા

ગંગાસતી અને પાનબાઈ

હેઠા ઊતરીને પાય લાગ્યા

ને ઘણો છે એનો ઉપકાર રે,

અમાપક બુદ્ધિ થઈ ગઈ છે મારી,

ને લાગ્યો અકર્તા પુરૂષમાં તાર રે … હેઠા.

અખંડ અમર અવિનાશી ભાળ્યા,

ને વસ્તુ છે અગમ અપાર રે,

દયા કરીને મુજને દરસાવ્યા

ને અનામ એક નિરધાર રે … હેઠા.

સમજીને વાસના સમાઈ ગઈ,

ને અનુપમ છે એક રૂપ રે,

આતમને ભિન્ન નવ જાણો,

ને એ તો છે શુદ્ધ નિરંજન ભુપ રે … હેઠા.

સરવેની સાથે મિત્રતા રાખજો,

ને નહિ પ્રીત નહિ વેર રે,

ગંગા રે સતી પ્રતાપે પાનબાઈ બોલિયાં રે,

એવું સમજીને કરવી લે'ર રે … હેઠા.

••• ✦ •••

શેર કરો

ડાઉનલોડ કરો

PDF

ઓડિયો / વિડીયો શોધો

People also search using Hetha Utarine Pay Lagya lyrics, lyrics, Hetha Utarine Pay Lagya gujarati bhajan lyrics, pdf download
ભક્તિમિત્ર.in • https://bhaktimitra.in